تعبت من الالم يادنيا
تعبت من الجراح والغدر
تعبت من البشر الي قلوبهم مابقتش قلوب
تفتكري يادنيا
تفتكري في فرحة وسعادة فيكي
تفتكري في الحان حب ووفاء لسة بتتعزف ليكي
تفتكري الحياة فيكي ولاخلاص اصبحت بيكي
لا يادنيا
لا
تعبت
ومابقتش شايفة قدامي حلول
صدمات وصدمات
قوليلي بس
هو العيب فيا ولا فيكي
قررت ارحل من زمان
لكن بلاقي نفسي راجعالك تاني
ليه يادنيا
ليه
نفسي اشوف فرحة في عنيا تدوم
نفسي الاقي بسمة علي وشي تعطيني امل لبكرة
امنتك امانة يادنيا
تفرحيني
مرة
واحدة
مش هطمع في اكتر
جايز الفرحة تدوم
نفسي يادنيا
نفسي
4 comments:
سلامتك ألف سلامه كلمات راقيه ومشاعر فياضه من قلب أبيض ونفس صافية طاهرة
لاتعرف الحقد ولا الكراهية ولا الحسد تحب الخير لكل الناس تشع بهجه وسرور فى أى مكان تهل عليه ربى يسعدك ويوفقك ويحفظك ويجعل لكى فى كل خطوة سلامه ويجعلك دايما شجرة تضلل على كل من حولك ويجعلك فى كل خطوه سلامه وينور لك بصيرتك وطريقك بنور ربانى الاهى والكل من قلبه يقول آمين ويعمى مايشوف زيك اللى يبص لكى بعين راضية
لاء يا بطه
من حقنا نفرح اكتر من مره انا حاسس انك كرهتى الدنيا
لاء و الف لاء
لازم نحبها و هى كمان تحبنا بدل ما نكتئب
مش نطلب من الدنيا فرحه واحده
بس برده اسلوب و كلمات حلوه اوى
بطه
ايه كل الحزن ده
انا حاسس انك كرهتي الدنيا
لازم تكوني فرحانه واسعد من كده
ويارب يسعدك ويفرحك دائما
أول ماشفت المدونه حسبت أنها بتاعتك يافاطمة
سبحان الله
الكلمات جميله جدا يافاطمة
لكن الدنيا مش وحشه للدرجة دى
ومش هاتكون حلوة زى ماإحنا عاوزين
مش هانعرف نفرح بجد إلا فى الجنة إن شاء الله
لكن بالله عليكى بلاش يأس وتشاؤم
لسه فى خير فى الدنيا
بحبك فى لله
Post a Comment